Aqmescit azbarlarından birinde timsahlarnıñ eki başı tapıldı, dep bildire Qırımnıñ Rusiye veterinariya devlet komitetiniñ matbuat hızmeti.
Müessise malümatına köre, tapılğanlar aqqında yerli sakinler bildirdi.
«Timsah başlarını «Cumhuriyet veterinar şifa-profilaktik merkezi» Devlet bücet müessisesiniñ hadimleri mahsus konteynerge toplap, yaqmaq içün mahsus naqliyatnen merkezge alıp ketti. Başlar tapılğan yerde yuqunçsızlaştıruv yapıldı», – dep aytıla haberde.
Müessiseniñ bildirgenine köre, ayvanlarğa qaba yanaşuv sebebinden Aqmescitniñ Kiyev rayon prokuraturasına malümat yollanılacaq.
Keriçte kimligi belli olmağanlar yolğa biñlernen buğabaş balıqlarnıñ başlarını atqan edi.
