Aqmescitte, Balalar parkınıñ ayvanat köşesinde yaşağan Maşa ve Mişa qonur auvlar çiftiniñ balası doğdı, adını Glaşa qoydılar. Bunıñ aqqında aprelniñ 28-nde parknıñ matbuat hızmeti haber etti.
«Ayuvçıq daa qışta doğdı. Onıñ çekisi, yañı doğğan bir ayuvçıqqa keregi kibi 500 gramğa yaqın edi. Bütün bu vaqıt devamında Glaşa anası yanında, ayrı bir volyerde östi. Söz sırası, qonur ayuvlarnıñ balaları pek tez öse, üç ayğa yaqın çekisi 30 qat, yarım yılğa yaqın ise 50 qat arta» – dep haber ettiler matbuat hızmetinde.
Biraz büyügen ayuvçıq anası ile beraber açıq volyerge avuştırıldı.
«Glaşa pek qurtludır, bir yerde oturıp olamay, çapqalamağa seve. Maşa ise pek talapkâr ve balasını qayğırğan bir anadır. Maşa balası ile nasıl oynağanını çoq vaqıt közetmek mümkün», – dep yazıla bildirmede.
Soñki sefer ayvanat köşesinde qonur ayuvçıq 2011 senesi doğğan edi.
