Yaltada OrVD Rusiye devlet şirketi ve Aqmescit ava limanı, Aqmescit ava limanında 882 million rublelik yañı dispetçer qullesi qurulması aqqında añlaşma tizdi. Limannıñ matbuat hızmeti bildirgeni kibi, vesiqa, aprelniñ 18-inde başlanğan “Yalta iqtisadiy forumı” çerçivesinde imzalandı.
Aqmescit ava limanında, yañı qulle “halqara standartlarına uyğan Rusiyede istisal etilgen” ava navigatsiyası cihazlarınen donatılacağını bildirdi.
Dispetçer qullesi Rusiye mülkiyetine keçirilecek ve onıñ aqları OrVD teşkilâtına berilecek.
2014 senesi mart ayında Rusiye Qırımnı işğal etkeninden soñ, Ukraina akimiyeti qararınen Qırım ava limanları qapatılğan edi. Anda ve andan yapılğan er uçuş Ukraina qanunları ve halqara qaideleriniñ bozulıvı sayıla.
