Aqmescit ava limanı, rusiyelilerniñ eñ populâr yaz uçuş yönelişleri reytingine kirdi. Bunı Tutu.ru rusiye turist portalınıñ malümatı köstere.
"Moskovadan eñ istenilgen yaz yönelişleri Aqmescit, Soçi, Anapa olğanını kördik. Çetel reytinginde Yerevan ögge çıqtı. Bu yıl Ermenistanda raatlanğan ya da avgustnıñ soñunace raatlanacaqlarnıñ sayısı dörtte birge arttı", - denile beyanatta.
Başqa menbalardan bu malümatnıñ tasdıqı yoq.
İyün soñunda Kreml nezaretindeki Qırım başı Sergey Aksönov, bu yıl yarımadada 3,3 million turist raatlanğanını bildirdi.
2014 senesi mart ayında Rusiye Qırımnı işğal etkeninden soñ, Ukraina akimiyeti qararınen Qırım ava limanları qapatılğan edi. Anda ve andan yapılğan er uçuş Ukraina qanunları ve halqara qaideleriniñ bozulıvı sayıla.
