Aqmescit ava limanı rusiyelilerniñ eñ populâr yañı yıllıq uçuş yönelişleri reytingine kirmedi. Bunı Tutu.ru rusiye turist portalınıñ malümatı köstere.
Böylece, beyanatqa köre, Yañı Yılnı ava qarşılacaq rusiye yolcularınıñ çoqusı Moskovadan Sankt-Peterburgğa uçacaq. Ekinci yerde - Soçi-Ufa yönelişi.
Ecnebiy memleketlerge ketecekler, bayramnı Moskovadan Tailand, Hindistan, Maldivler, Gürcistan, Türkiye ve İranğa uçqan vaqıtta qarşılacaq.
Bir kün evel, Aqmescit, rusiyelilerniñ arasında Yañı Yıl qutlavı içün eñ populâr yerlerniñ reytinginde beşinci yerde tüşkeni bildirildi.
Daa evel, Aqmescit ava limanınıñ matbuat hızmetinde, Yañı Yıl bayramı künlerinde, 1,5 biñ uçaq qonıp ve uçacağını ilân ettildi.
2014 senesi mart ayında Rusiye Qırımnı işğal etkeninden soñ, Ukraina akimiyeti qararınen Qırım ava limanları qapatılğan edi. Anda ve andan yapılğan er uçuş Ukraina qanunları ve halqara qaideleriniñ bozulıvı sayıla.
