Aqmescit akimiyeti, qızdıruv mevsimi aprelniñ 26-sında, cuma künü bitkeni aqqında haber etti. Böyle qararnı Aqmescitniñ rusiyeli memuriyetiniñ başı Natalya Malenko imzaladı.
Memuriyetniñ matbuat hızmeti bildirgenine köre, qızdıruv mevsimi ava isinüvinen bağlı.
“Bu vesiqağa köre, Aqmescitniñ mesken evleri, medeniyet ve tasil müessiselerinde 2019 senesi aprelniñ 26-sında saat 8:00-da qızdıruv mevsimini toqtatmaq buyurıla”, - denildi matbuat hızmetinde.
Aqmescitte qızdıruv mevsimi resmiy şekilde aprelniñ 10-unda toqtatıldı, amma ava suvuması sebebinden uzatılğan edi.
