Link açıqlığı

Saatnıñ esas haberi

Aqmescit akimiyeti, mekteplerniñ oquv yılına azırlığını teşkerip başladı


Kreml nezaretindeki Aqmescit (Simferopol) memuriyeti, mekteplerniñ oquv yılına azırlığını teşkerip başladı. Bu aqta, şeer memuriyetiniñ tasil idaresiniñ başlığı Tatyana Suhinağa esaslanıp, bildirdi müessiseniñ matbuat hızmeti.

"Avgustnıñ 1-inden oquv yurtlarınıñ oquv yılınıñ ve isitüv mevsiminiñ başlanmasına azırlığınıñ teşkerüvi başlandı. Aqmescitte 48 mektep ve 56 mektepten evelki terbiye müessiseleri çalışmaqta. Komissiya öz işini endi başladı, onıñ erkânında memuriyetniñ tasil idaresiniñ, FVN-niñ, türlü hızmetlerniñ ve Rospotrebnadzornıñ hadimleri bar", - dep yaza Suhinanıñ sözlerinde memuriyetniñ matbuat hızmeti.

Memurnıñ aytqanına köre, mekteplerniñ oquv yılına azırlığı aktları, avgustnıñ 20-sine qadar imzalanmalı.

"Bütün mektepler ve oquv yurtları sentâbr 1-ine qadar 100% azır olacaqlar", - dep ayttı Suhina, ve bu yıl şeer büdjetinden mekteplerniñ tamirlevine 392 million ruble ayırılğanını qayd etti.

XS
SM
MD
LG