Cumaaqşamı künü, noyabrniñ 28-nde, saat 10:00-dan 16:00-ğa qadar Aqmescitte ealini haberdar etüv merkeziy sistemasınıñ umumiy teşkerilüvi yapılacaq. Bu aqta Rusiye kontrolindeki Aqmescit memuriyetiniñ matbuat hızmeti haber ete.
«Keçirilecek teşkerüv vaqtında elektrik sirenalar açılacaq, radio kanalları üzerinden ealini haberdar etüv tertibi ve işaret berilgende yapılacaq areketler aqqında haber aytılması planlaştırıla», – dep aytıla haberde.
Memuriyet, «teşkerüv vaqtında eali bir de bir areketler yapmamalı», dep qayd etti.
Bundan evel Qırımdaki Rusiye Fevqulâde vaziyetler nazirligi noyabrniñ 28-nde yarımadada haberdar etüv sistemasınıñ tehnik teşkerilüvi olacaq, dep bildirgen edi.
Bu sene yanvar ayında Yaltada haberdar etüv sisteması bozuldı. Yerli sakinler şeerde «sirena sesi» aqqında haber etken edi.
