Moskova vilâyetiniñ Domodedovo şeer mahkemesi tünevin Aqmescit-Moskova uçağını patlatacaq, dep qorquzğan yolcusına ev tevqifini maküm etti. Bunı TASS haber agentligi bildire.
"Polodiyantseva Antonina Viktorovnağa qarşı eki aylıq ev tevqifi sıñırlav tedbiri saylanıldı", - dedi agentlikniñ subetdaşı.
Şimdilik qabaatlanğan qadınnıñ ya da advokatlarnıñ açıq tefsirleri yoq.
Yanvarniñ 30-ında Aqmescitten Moskovanıñ "Domodedovo" ava limanına kelgen S7 uçağınıñ yolcusı, onı patlatacaq, dep qorquza edi. "Sarğoş qadın yanında sanki olğan patlayıcı cihaz aqqında bildirgen".
Keççe Aqmescit-Moskova uçağında patlayıcı cihaz olğanı aqqında malümat tasdıqlanmadı.
