Link açıqlığı

Saatnıñ esas haberi

Aq qorçalayıcılar Rusiye ve Qırımda siyasiy mabüsler problemine bağışlanğan online körüşüvni keçire (yayın)


Oktâbrniñ 30-nda Siyasiy mabüs kününde Saharov merkezi, «Memorial» aq qorçalayıcı merkezi ve Boris Nemtsov Azatlıq fondu Rusiyede ve işğali altındaki Qırımda siyasiy sebeplerden yapılğan taqip probleminen bağlı tögerek masanı ötkereler.

«Rusiye ve halqara iştirakçileri vaziyetke qıymet kesecek – soñki yılnıñ belli siyasiy esnasları baqılacaq, – repressiyalar ve adaletsiz şekilde taqip etilgenlerni qoruv usulları aqqında tarif etecek ve bu problemni al etüvde halqara toplulıqnıñ rolüni muzakere etecekler», – dep aytıla Facebookta.

Tedbirde Qırım işğaline qarşı narazılıq aktsiyalarına çıqqan ve Rusiyede mahküm etilgen cemaat faali Konstantin Kotovnıñ, Aqmescitteki ekinci «Hizb ut-Tahrir davası» mabüsleriniñ advokatı Mariya Eysmont ve aq qorçalayıcı, «Qırım birdemliginiñ» faali Lutfiye Zudiyeva iştirak etecekler.

Ukraina Yuqarı Radasınıñ İnsan aqları vekâletlisi Lüdmila Denisova, Rusiye apishanelerinde tutulğan ukrainalı siyasiy mabüslerniñ farqlı sayısı aydınlatqan edi: 113-ten 115-ke qadar, 80-den çoq – qırımtatarıdır. Qırımtatar resurs merkeziniñ cedvelinde 86 qırımlı siyasiy mabüs bar. Qırım aq qorçalayıcı gruppası da aynı raqam aqqında ayta.

Siyasiy mabüslerge qol tutuv programmasınıñ reberi, «Memorial» aq qorçalayıcı merkeziniñ şura azası Sergey Davidisniñ bildirgenine köre, merkezleriniñ cedvelinde 315 insan bar, 59-ı – qırımtatarıdır.

«Hizb ut-Tahrir işi» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG