Aq qoruyıcılar qırımlı siyasiy mabüslerni qanunsız sürette taqip etken Rusiye mahkemecileri ve prokurorlarına qargı şahsiy sanktsiyalar qoymağa çağırdılar. Sanktsiyalarnıñ qoyulmasını QırımSOS aq qoruyıcı teşkilâtınıñ talilcisi Yevgen Yaroşenko Avropa Şurası prezidentiniñ mesleatçısı Magdalena Grono ile körürüşüv vaqtında teklif etti.
"Sanktsiyalar işğal etilgen Qırımda insan aqlarınıñ bozulmasına köre cezasız qalmağa qarşı küreşte yoñ tesirli vastalardan biri ola bilir. Olar qırımlılarğa qaoşı uydurma siyasiy motivli davalarda iştirak etken RF prokurorlarına ve eñ azı 42 mahkemecisine qoyulmalıdır", - dedi Yaroşenko.
Evel QırımSOS Qırımdaki siyasiy mabüslerge qanunsız ükümler çıqarğan mahkemeciler cedvelini yayınladı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
