Minskteki narazılıqlar: quvetçiler narazılıq bildirgenlerni sert bir şekilde dağıta (video)

Beyazrusiyeniñ bir qaç şeerinde kütleviy narazılıq aktsiyaları başlandı. Eñ büyük soyları Minskte keçe. Biñlernen insan merkeziy soqaqlarda ve şeer meydanlarında toplaştı. Beyazrusiyeliler prezident saylavlırınıñ ilk neticeleri ilân etilgen soñ narazılıq aktsiyalarına çıqtı. Milliy Exit poll malümatına köre, şimdiki prezident Aleksandr Lukaşenko reylerniñ 80%-ını aldı. Quvetçiler narazılıq bildirgenlerge qarşı ışıq ses granatalarını qullanıp, suvatqıç ketirdi. Narazılıq bildirgenlerni avtozak urdı, bir qaç kişi yaralandı, ağır yaralanğanlar bar. 65 yaşında Aleksandr Lukaşenko aman-aman 26 yıldan berli memleketni idare ete. Lukaşenko ğalebe qazanğan 1994 senesiniñ birinci saylavlarından ğayrı, başqa bir saylav halqara seviyede serbest ve adaletli tanılmağan edi. Bu saylavlarda Lukaşenkonıñ esas raqibi Svetlana Tihanovskaya oldı – Beyazrusiyede belli olğan bloger Sergey Tihanovskiyniñ apayı, oña ise saylavlarda iştirak etmege bermediler.