Donald Trump, Vekiller palatsı impiçmentni ilân etken Andrew Johnson ve Bill Klintonden soñ AQŞ-nıñ üçünci prezidenti oldı, dep bildire "Nastoyaşçeye vremâ".
İmpiçment, demokratlar köstergen eki qabaatlav maddesine - üküm suistimalı ve kongress işine mania oluv - köre ilân etildi.
Birinci maddege köre rey berüvde 230 adam impiçmentke qol tuttı, 197 adam qarşı çıqtı. Cumhuriyetçilerniñ iç birisi impiçmentke rey bermedi, amma eki demokrat qarşı çıqtı. Ekinci maddege köre impiçmentke qarşı üç demokrat rey berdi, demek umumen "razım" dep 229 adam rey berdi, "qarşım" dep - 197.
Şimdilik Trumpnıñ işten çıqarıluvını AQŞ Senatı baqacaq. Qararnı amelge keçirmek içün reylerniñ üçten ekisi kerek, Senatta ise cumhuriyetçiler çoqluqta, böylece, demek mümkün ki, Donald Trump öz vazifesinde qalacaq.
İmpicment davası 2019 senesiniñ ortasında ortağa çıqtı, o vaqıt amerikan mahsus hızmetlerniñ menbaası olğan adam, onıñ fikrince, Tramp üküm suistimalını yapa, dep reberligine bildirdi.
Kongress işine mania oluvda qabaatlav ise, Beyaz Ev, yüksek vazifeli memurlarnıñ tahqiqatnen bağlı şaatlıq etüvine ve vesiqasınıñ köstermesi yasağınen bağlı.
