Rusiye Ukrainanı bir de bir iqtisadiy esaplarğa uymağan gaz fiyatını tölemege mecbur ete.
Bunı AQŞ Devlet departamentiniñ matbuat kâtibi Jen Psaki bildirdi, dep haber ete Azatlıq Radiosı.
«Bizler Rusiyeniñ energiyadan faydalanuv ıntıluvlarını Ukrainanı sıqıştırmaq usulı olaraq tanıymız. Al-azırda Kiyev biñ kubometr içün 485 dollar töley, bu fiyat bazar fiyatı degil ve Avropa Birligi azaları içün belgilengen orta fiyattan bayağı üstündir», – dep qayd etti o.
Tünevin Rusiye prezidenti Vladimir Pütin Ukraina ile munasebetlerini izaatlar eken, Moskva Kiyevdeki akimiyetni tanımay, lâkin «iqtisadiy yardım köstere ve Ukraina iqtisadiyatına yüzlernen million ve milliard dollar berilmesini devam ete», dep ayttı.
Aprelniñ 2-de Rusiye bir taraf olaraq gaz fiyatınen bağlı «Harkov añlaşmalarını» bozdı. Kiyevde bildirgenlerine köre, olar gaz içün mezkür añlaşmalarda belgilengen fiyattan daa ziyadesini töley bileler.
Aprel ayında Ukraina içün Rusiye gazınıñ fiyatı 40%-ğa (biñ kubometr içün 485 dollarğa qadar) arttı.
Bunı AQŞ Devlet departamentiniñ matbuat kâtibi Jen Psaki bildirdi, dep haber ete Azatlıq Radiosı.
«Bizler Rusiyeniñ energiyadan faydalanuv ıntıluvlarını Ukrainanı sıqıştırmaq usulı olaraq tanıymız. Al-azırda Kiyev biñ kubometr içün 485 dollar töley, bu fiyat bazar fiyatı degil ve Avropa Birligi azaları içün belgilengen orta fiyattan bayağı üstündir», – dep qayd etti o.
Tünevin Rusiye prezidenti Vladimir Pütin Ukraina ile munasebetlerini izaatlar eken, Moskva Kiyevdeki akimiyetni tanımay, lâkin «iqtisadiy yardım köstere ve Ukraina iqtisadiyatına yüzlernen million ve milliard dollar berilmesini devam ete», dep ayttı.
Aprelniñ 2-de Rusiye bir taraf olaraq gaz fiyatınen bağlı «Harkov añlaşmalarını» bozdı. Kiyevde bildirgenlerine köre, olar gaz içün mezkür añlaşmalarda belgilengen fiyattan daa ziyadesini töley bileler.
Aprel ayında Ukraina içün Rusiye gazınıñ fiyatı 40%-ğa (biñ kubometr içün 485 dollarğa qadar) arttı.
