Link açıqlığı

AQŞ elçisi Ukraina adaletli saylavlarını «Rusiye istilâsına» eñ güzel cevap olaraq adladı


Mayıs 25 künü prezident saylavlarınıñ keçirilmesi Ukrainanıñ «Rusiye istilâsına» eñ güzel cevaptır.

Bunı «5 kanal» efirinde AQŞ fevqulâde ve vekâletli elsiçi Geoffrey Pyatt bildirdi, dep haber ete «UNİAN».

Onıñ sözlerine köre, eger de Rusiye saylavlarğa keder etecek olsa, AQŞ cezalarnıñ arttırmasına başlaycaq.

«AQŞ, Avropa şeriklerimiz kibi, şunı bildirdi ki, eger de Ukraina vaizetini kerginleştirmek içün areketler devam etse, biz cezalarımıznı kirsetecekmiz. Biz mayıs 25 künü keçirilecek saylavlarnı diqqat ile nezaret etecekmiz, çünki bu kün Ukraina ayatında müim tarihiy adisedir»,– dedi elçi.

Onıñ fikrince, kerçek ve adaletli saylavlar Rusiye istilâsına güzel cevap olur.
«Çoq kere aytqan edim: Rusiyeniñ Qırım işğaline, istilâsına, memleketniñ şarqında vaziyetniñ kerginleşüvine mayıs 25 kün serbest, kerçek, adaletli idare bildirüvinden güzel cevap olamaz. İleride cezalar ile vaziyet – açıq sualdir ve ümüt etemiz ki, prezident Putin Slavânsk, Donetsk, Luganskta yüz bergen zulum ve tünevinki basımlarğa olğan tesirini qullanır», – dedi Pyatt.
XS
SM
MD
LG