Link açıqlığı

Saatnıñ esas haberi

AQŞ elçiligi qırımtatar blogeri Memedeminovnıñ sağlıq alını qasevet ete


Nariman Memedeminov
Nariman Memedeminov

Ukrainada AQŞ elçiligi, qırımtatar faali, bloger Nariman Memedeminovnıñ sağlıq alını qasevet ete. Bu aqta martnıñ 22-sinde Amerika elçiligi Twitter saifesinde yazdı.

“Biz, bir yıl evel qanunsız tutulıp alınğan qırımtatar jurnalisti Nariman Memedeminovnıñ sağlıq alını qasevet etemiz”, - denile beyanatta.

Diplomatik müessisede, “Rusiye yaqın vaqıtta ukrain cenk esirlerini azat etmeli” dep qayd etti.

Rusiye kontrolindeki Qırım Yuqarı mahkemesi martnıñ 14-nde Nariman Memedeminovnıñ tevqifini eki ayğa uzattı.

Martnıñ 22-nde Bağçasaray rayonında Rusiye telükesizlik hadimleri ve uquq qoruyıcıları Nariman Memedeminovnıñ evini tinttiler. Ondan soñ faaliyetçi Aqmescitteki Rusiye FSBsi idaresine alıp ketildi. Martnıñ 23-nde mahkeme Memedeminovnı tevqif etti.

Memedeminovnı Rusiye CK-nıñ 205 maddesiniñ 2-nci qısmına ait olğan cinayette (İnternet vastasınen terrosistik areketlerge açıq çağıruvlar) qabaatlaylar.

Martnıñ 23-nde QMC prokuraturası, Ukraina Cinaiy kodeksiniñ 146-ncı maddesiniñ 2-nci qısmı (insannı qanunsız olaraq azatlıqtan marum etüv ya da alıp qaçuv) ve 162-nci maddesiniñ 2-nci qısmında (mesken toqunılmazlığınıñ bozuluvı) qayd etilgen cinaiy qanun bozuluvlarınıñ alâmetleri boyunca malümatnı Mahkemeden eveldki tahqiqatlarnıñ umumiy cedveline kirsetti.

Ukraina Milliy jurnalistler birligi (UMJB) Qırımda Memedeminovnıñ tevqif etilmesine «fikir serbestligi ve, cümleden İnternet ağı vastasınen, informatsiyanı serbest almaq ve darqatmaq aqqınıñ bozuluvı» dedi.

XS
SM
MD
LG