Kommunizm qurbanları amerikalı fondı Trumen-Reygon adına «Üriyet Medali» ile qırımtatar milliy yetekçisi, Ukraina halq deputatı Mustafa Cemilevni taqdirledi. Onıñ ile beraber bu mukâfatqa ukrain dinşınas, uquq qorçalayıcı, publitsist Miroslav Marinoviç lâyıq oldı.
Bunı Golos Ameriki bildire.
Taqdirlev merasimi Washingtonda keçti. Mında Ukraina vaqialarını, şu cümelden yarımadada yaşağan qırımtatar halqınıñ aqları bozuluvına ketirgen Rusiyeniñ Qırım işğalini de añıp keçtiler.
Tedbir devamında bu sene mukâfat namzetlerini birden saylap alğanlarını bildirdiler – ekisi, em Mustafa Cemilev, em de Miroslav Marinoviç ıyllarnen Sovet Birliginde insan aqlarınıñ bozuluvına qarşı faaliyet ete ediler.
Cemilev içün bu endi soñki ay devamında elde etken ekinci halqara mukâfatı oldı. Faqat bu sefer tedbirde bulunmağa imkânı olmadı. Mukâfatnı Cemilevge onıñ yardımcısı Lilâ Müslimova ketirecek.
«İnanam, qomşu şimaliy devletniñ qaba areketlerine baqmadan, Qırım eñ yaqın vaqıtta öz muhtariyetini ğayrıdan tikleycek»,– dedi Müslimova.
AQŞ Ukraina elçisi Oleksandr Motsak şunı qayd etti ki, işbu mukâfat Ukraina yararlıqlarınıñ tanılmasını belgiley. Ve bütün dünyanı ukrainlilerge qol tutmağa çağırdı.
«Üriyet medali» 1999 senesinden başlap er yıl taqdim etile. Namzetler arasında Çehiya birinci prezidenti Vatslav Gavel, leh uquq qorçalayıcı Leh Valensa, sovet ve belorus siyasiy erbabı Stanislav Şuşkeviç, uquq qorçalayıcı ve Andrey Sahorovnıñ apayı Yelena Bonner ve pontifik II İoann Pavel bar edi.
İyün başında Mustafa Cemilev Lehistanda «Birdemlik» leh mukâfatını elde etken edi. Mukâfatnı Varşavada Lehistan prezidenti Bronislav Komorovskiy, Lehistannıñ sabıq başı Leh Valensa ile birlikte taqdim ettiler.
Bunı Golos Ameriki bildire.
Taqdirlev merasimi Washingtonda keçti. Mında Ukraina vaqialarını, şu cümelden yarımadada yaşağan qırımtatar halqınıñ aqları bozuluvına ketirgen Rusiyeniñ Qırım işğalini de añıp keçtiler.
Tedbir devamında bu sene mukâfat namzetlerini birden saylap alğanlarını bildirdiler – ekisi, em Mustafa Cemilev, em de Miroslav Marinoviç ıyllarnen Sovet Birliginde insan aqlarınıñ bozuluvına qarşı faaliyet ete ediler.
Cemilev içün bu endi soñki ay devamında elde etken ekinci halqara mukâfatı oldı. Faqat bu sefer tedbirde bulunmağa imkânı olmadı. Mukâfatnı Cemilevge onıñ yardımcısı Lilâ Müslimova ketirecek.
«İnanam, qomşu şimaliy devletniñ qaba areketlerine baqmadan, Qırım eñ yaqın vaqıtta öz muhtariyetini ğayrıdan tikleycek»,– dedi Müslimova.
AQŞ Ukraina elçisi Oleksandr Motsak şunı qayd etti ki, işbu mukâfat Ukraina yararlıqlarınıñ tanılmasını belgiley. Ve bütün dünyanı ukrainlilerge qol tutmağa çağırdı.
«Üriyet medali» 1999 senesinden başlap er yıl taqdim etile. Namzetler arasında Çehiya birinci prezidenti Vatslav Gavel, leh uquq qorçalayıcı Leh Valensa, sovet ve belorus siyasiy erbabı Stanislav Şuşkeviç, uquq qorçalayıcı ve Andrey Sahorovnıñ apayı Yelena Bonner ve pontifik II İoann Pavel bar edi.
İyün başında Mustafa Cemilev Lehistanda «Birdemlik» leh mukâfatını elde etken edi. Mukâfatnı Varşavada Lehistan prezidenti Bronislav Komorovskiy, Lehistannıñ sabıq başı Leh Valensa ile birlikte taqdim ettiler.
