AQŞ prezidenti Donald Trump, devletniñ kosmik quvetleriniñ yaratılmaşını közde tutqan, qanunnı imzaladı. Amerika Qoşma Ştatlarında 1947 yıldan berli ilk sefer ordunıñ yañı çeşiti yaratıldı, dep hatırlata CNN amerikan telekanalı.
Yañı ordunıñ komandanı olaraq general John Reymond tayin etildi. AQŞ-nıñ Arbiy ava quvetlerinde 15 biñ adam kosmik ordusına keçirilecek. 2019 senesi avgust ayında Trump yañı ordunıñ yaratılmasını AQŞ duşmanları Yer kürresini arbiyleştirgeninen añlattı.
"Kosmosta serbest areket etmek imkâniyeti, Amerika Qoşma Ştatlarına qarşı yiberilgen raketalarnı tapıp yoq etmege yol berecek", - dep yaza prezidentniñ sözlerinden "Amerika sesi" hızmeti.
Kosmik ordunıñ altı bazada yerleşmesi közde tutula. Olardan dörtü Coloradoda ve daa birer Alabama ve Californiada olacaq.
