Aprelniñ 5-inde Aqmescitniñ bir qaç soqağı bütün kün yarıqsız olacaq.
Bu aqta “Krımenergo” müessisesiniñ matbuat hizmeti bildirmekte.
Haber etilgenine köre, yarıq söndürilmesi temelli tamir işlerinen bağlı.
“Aprelniñ 5-inde böyle adresler boyunca yarıq olmaycaq: Vodnikov soq., 55-57; Vodnikov aral., 31; Lesnaya soq., 50-60/51; Rodnikovaya soq., 33-75; Morskaya soq., 64, 64a; Bagrationa soq., 2-26; Vısotnaya soq., 110-137, Doletova soq., 94-138; Kizilovaya soq., 112, 113-127; Nesterova soq., 105-115”, - denile beyanatta.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik Qırım öz generatorları, Rusiye generatorları ve Kuban energoköprüniñ elektrik ağını qullana.
Martnıñ 18-inde Rusiye prezidenti Vladimir Putin Aqyarğa keldi, anda ise Balıqlava TES-iniñ açılışında iştirak etti.
