Aqmescitniñ bir qaç soqağı aprelniñ 22-sinde yarıqsız qalacaq.
Bu aqta “Krımenergo” müessisesiniñ matbuat hızmeti bildirmekte.
Beyanatqa köre, yarıq söndürüvi tayanğıç deñiştirilmesinen bağlı.
“Aprelniñ 22-sinde elektrik energiya böyle adresler boyunca olmaycaq: Generala Telegina soq., 2 3-7; İndustrialnaya soq., 2-26, 1-35; Krasnogo Kresta soq., 4-8, 1-7; Dzübanova soq., 43”, - denile beyanatta.
Daa evel “Krımenergo” mayıs ayında yarımadada cedvel boyunca yarıq söndürilecegi aqqında haber ete. Söndürüv cedvelini “Krımenergo” saytında baqmaq mümkün.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik Qırım öz generatorları, Rusiye generatorları ve Kuban energoköprüniñ elektrik ağını qullana.
