Rusiye nezaretindeki Qırım mahkemesi apis etken Aqmescit sakini Denis Kaşuk mustaqil imayecilerni red etti.
Bunı Qırım.Aqiqatqa advokat Nazim Şeyhmambetov tasdıqladı, o Kaşuknıñ imayecilerinden birisi edi.
Advokat aqmescitliniñ qararını tefsir etmedi.
Apisliniñ tuvğanları Qırım.Aqiqat Radiosı efirinde, o yaqınlarnıñ havsızlığını qasevet etip, mustaqil imayeciden vazgeçe, dep ayttılar.
Advokat Nazim Şeyhmambetov, Rusiye FSBsi Aqmescit sakini Denis Kaşuknı silâ satın alğanından ve saqlağanından şübheli sayıp tuttı. Denis Kaşuknıñ ömür arqadaşı Olga Qırım.Aqiqatqa izaat berip, dekabrniñ 17-nden berli bağda olmağanını ve evlerinde tintüv keçirilgenini bildirdi.
Advokat Nazim Şeyhmambetov, FSB Kaşuknı eki madde – Rusiye Ceza kodeksiniñ 222-nci ve 222.1-incisine istinaden («qanunsız satın aluv, satış, saqlap, silâ, onıñ esas parçalarınıñ taşıması») – şübheli saya, dep bildirdi.
Rusiye kontrolindeki Aqmescitniñ Kiyev rayon mahkemesi dekabrniñ 20-nde Aqmescit sakini Denis Kaşuknıñ sıñırlav tedbirini belgilep, onı 2020 senesi fevralniñ 18-ne qadar SİZOğa aldı.
Ukraina Tış işler nazirligi işğal etilgen Qırımda Kaşuknıñ apiske alınmasına qarşı narazılıq bildirdi.
