Link açıqlığı

Saatnıñ esas haberi

Apiske alınğan qırımtatar faali Nariman Memedeminov 36 yaşını toldurdı


Nariman Memedeminov mahkemede (arhiv fotoresimi)
Nariman Memedeminov mahkemede (arhiv fotoresimi)

Salı künü, mayısnıñ 7-nde, Rusiye akimiyeti apiske alğan qırımtatar vatandaş jurnalisti, faal Nariman Memedeminov 36 yaşını toldura.

Bugün Kreml kontrolindeki Qırım Yuqarı mahkemesinde saat 14:30-da onıñ davası boyunca oturışuv olmalı. Nariman Memedeminovnıñ sıñırlav tedbirini uzatuv meselesi baqılacaq, dep bildire «Qırım birdemligi» cemaat teşkilâtı Facebookta.

2018 senesi martnıñ 22-nde Bağçasaray rayonında Rusiye telükesizlik hadimleri ve uquq qoruyıcıları Nariman Memedeminovnıñ evini tinttiler. Ondan soñ faaliyetçi Aqmescitteki Rusiye FSBsi idaresine alıp ketildi. Martnıñ 23-nde mahkeme Memedeminovnı tevqif etti.

Memedeminovnı Rusiye CK-nıñ 205 maddesiniñ 2-nci qısmına ait olğan cinayette (İnternet vastasınen terrosistik areketlerge açıq çağıruvlar) qabaatlaylar.

Martnıñ 23-nde QMC prokuraturası, Ukraina Cinaiy kodeksiniñ 146-ncı maddesiniñ 2-nci qısmı (insannı qanunsız olaraq azatlıqtan marum etüv ya da alıp qaçuv) ve 162-nci maddesiniñ 2-nci qısmında (mesken toqunılmazlığınıñ bozuluvı) qayd etilgen cinaiy qanun bozuluvlarınıñ alâmetleri boyunca malümatnı Mahkemeden eveldki tahqiqatlarnıñ umumiy cedveline kirsetti.

Ukraina Milliy jurnalistler birligi (UMJB) Qırımda Memedeminovnıñ tevqif etilmesine «fikir serbestligi ve, cümleden İnternet ağı vastasınen, informatsiyanı serbest almaq ve darqatmaq aqqınıñ bozuluvı» dedi.

XS
SM
MD
LG