Link açıqlığı

Saatnıñ esas haberi

Bir yıldan soñ: apiske alınğan Server Mustafayevniñ qorantası nasıl yaşay (video)


Bir yıldan soñ: apiske alınğan Server Mustafayevniñ qorantası nasıl yaşay (video)
Bekleñiz, lütfen
Embed

No media source currently available

0:00 0:05:32 0:00

Bir yıl evelsi, 2018 senesi mayısnıñ 21-nde, Bağçasarayda Rusiye quvetçileri «Qırım birdemliginiñ» koordinatorı, vatandaş jurnalisti Server Mustafayevniñ evine kelgen edi. O künü onı tutıp alğanlar. Ertesi künü Kreml kontrolindeki Aqmescitniñ Kiyev rayon mahkemesi Mustafayevni apiske aldı. O vaqıttan berli faal Aqmescit SİZOsında buluna. Oña qarşı qabaatlar Bağçasaraydaki «Hizb ut-Tahrir davasına» qoşuldı. Server Mustafayevniñ evinde apayı ve dört balası qaldı. Apiske alınğanda küçük qızı Naciye 2 aylıq edi. Serverniñ anası Venera Mustafayeva oğlunı SİZOda tutulğan 11 ayı devamında bir kere kördi, dep tarif etti. Server Mustafayevniñ qorantası apiske alınğanından bir yıl keçken soñ nasıl yaşağanını Qırım.Aqiqatnıñ levhasında seyir etiñiz. «Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG