Azat etilgen ukrain rekissör ve Qırım yazıcısı Oleğ Sentsov Kyivde yañı kitabını – "Marketör" nesir toplamını taqdim etecek. Tedbir oktâbr 15-inde "Kino evinde" keçirilecek.
Teşkilcilerge köre, "Marketör" - Oleğ Sentsov türmede yazğan ekinci ikâye toplamı. Müellif kitapta öz studentlik devri aqında tarif ete: imtian tapşıruvı, yataqhane ve kvartiralarda yaşayışı.
"Marketör" kitabı çoqtan berli aqlımda edi. Koloniya işçileriniñ "qış tatili" olğanda, men, bu kitapnıñ vaqtı keldi, dep añladım. Ve öyle olıp çıqtı ki: 11 künde 11 ikâye yazıldı. Bu kitap, "Ömür" kitabımnıñ devamıdır, mında 90-ıncı yıllar, studentlik devrim tasvirlene", - paylaştı Sentsov.
Elnen yazılğan "Marketör" kitabını Sentsov öz advokatınen, onıñ filmleriniñ kasting müdiri Anastasiya Çerovağa yolladı. O ise, yazılarnı tuşlap, neşriyatqa berdi.
Sentâbr 22-sinde Lvivde Kitap forumında Oleğ Sentsovnıñ "Marketer" ikâyeler kitabı taqdim etildi.
