Qırımda Rusiye kontrolindeki Aqmescitniñ Kiyev rayon mahkemesi «qırımlı musulmanlar davasınıñ» mabüsleri olğan qırımtatar faalleri Vilen Temeryanov, Enver Kroş, Seitâğya Abbozov, Murat Mustafayev, Edem Bekirov ve Rinat Aliyevniñ apis müddetini 2023 senesi yanvarniñ 10-na qadar uzattı.
Bu aqta «Qırım birdemligi» cemaat birleşmesi Qırım.Aqiqatqa bildirdi.
Advokat Emil Kurbedinov bildirgenine köre, imaye bu mahkeme qararını şikâyet etmege niyetlene.
«Mahkeme tarafımıznı qabul etmedi, o, FSB ve Qırım prokuraturasınıñ hadimleri seslendirgen malümatqa esaslanıp, apis müddetlerini 2023 senesi yanvarniñ 10-na qadar uzattı. Bu qararnı şikâyet etmek içün üç künümiz bar, böyle de yapacaqmız», – dep ayttı Kurbedinov «Qırım birdemligine».
Avgustnıñ 11-nde saba faaller işğal altındaki Qırımda Rusiye quvetçileri qırımtatarlarnıñ evlerini tinte, dep bildirdi. Advokatlarğa kirmege izin berilmedi, bazı yerlerde cep telefonı bağı söndürildi. Altı er adamı – Vilen Temeryanov, Enver Kroş, Seitâya Abbozov, Murat Mustafayev, Edem Bekirov ve Rinat Aliyev Rusiyede yasaqlanğan «Hizb ut-Tahrirde» iştirak etkeninde qabaatlanıp tutuldı.
Ukrayına prezidentiniñ Qırım Muhtar Cumhuriyetindeki temsilciligi qırımtatarlarnıñ evlerinde keçirilgen tintüvlerni takbih etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
