"Antonov" Ukrayina devlet şirketiniñ baş müdiri Yevgen Gavrılov ekinci An-225 "Mriya" uçağınıñ quruluvı başlanğanın bildirdi, dep haber ete Bild neşri.
"Yañı uçaq üzerinde işler gizli yerde kete. Öyle de qurıp bitirilmegen ekinci An-225 yoq etilgen uçaqnıñ parçaları ile temin etilecek", - dedi Gavrılov.
Bild neşriniñ malümatına köre, Leyptsig/Galle Almaniya ava limanı yoq etilgen An-225 uçağınıñ rekonstruktsiyası içün bağış toplamağa yardım etecek.
Noyabrniñ 7-nde Leyptsig/Galle Almaniya ava limanında "Ukrayina: Yürekte arzu ile" halqara leyhasınıñ sergisi açıldı.
İyün ayında "Halq hızmetçisi" fraktsiyasınıñ yolbaşçsı, Milliy telükesizlik ve mudafaa meselelelri parlament komitetiniñ azası David Arahamiya Ukrayina "yañı uçaqnıñ quruluv leyhasını" azırlağanını bildirgen edi.
Fevralniñ soñunda Rusiye ordusınıñ Kıyiv civarındaki Gostomel ava limanına avadan ücümi neticesinde Ukrayinada yasalğan dünyanıñ eñ büyük ve küçlü uçaqlarından biri AN-225 "Mriya" yanıp ketti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
