Link açıqlığı

Saatnıñ esas haberi

BM Baş kâtibi Antonio Guterres Volodımır Zelenskıy ve Vladimir Putin ile körüşüv aqqında rica ete


Antonio Guterres
Antonio Guterres

Birleşken Milletlerniñ Baş kâtibi Antonio Guterres Ukraina prezidenti Volodımır Zelenskıy ve Rusiye prezidenti Vladimir Putinge muracaat etip, onı Kyiv ve Moskvada qabul etmege rica etti, dep haber ete BM Baş kâtibiniñ vekili Stephane Dujarric.

Onıñ aytqanına köre, Zelenskıy ve Putinge ayrı ketken mektüplerde Guterres «Ukrainada barışıq olması içün acele adım atılmasını muzakere etmege ister edi», dep haber etti.

BM Baş kâtibi Antonio Guterres aprelniñ 19-nda barışıqsever sakinlerniñ telükesiz tahliyesini ve zarar körgen rayonlarğa gumanitar yardım ketmesini temin etmek içün Ukrainadaki cenkniñ dört künlik «gumanitar teneffüsine» çağırdı.

Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.

Aprelniñ başında Moskva Ukrayina şimalinde faal olğanını toqtattı, dep bildirdi. Tezden Ukrayina akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.

Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.

Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG