Link açıqlığı

Antiterroristik ameliyatınıñ spikeri: Luganskta uçaqqa rusiyeli silâdan atqan ediler


Antiterroristik ameliyatınıñ spikeri Vladislav Seleznöv cumaertesi künü Luganskta İL-76 ukrain arbiy uçaqqa ateş rusiyeli silâdan etilgenini qayd etti. Delillerni Seleznöv yaqında bermege vade etti.

O, uçaqta olğan 49 insandan er kes elâk olğanını da tasdiqladı. Olardan 9 – erkân azaları, 40 – desant askerleri. Uçaq zenit raket kompleksinden etilgen 3 atıştan soñ tüşürildi.


«Qıdıruv-qurtaruv areketlerni keçirgen insanlarnıñ sözlerine köre, patlav o derecede küçlü edi ki, erkânnıñ azaları sağ qalamaz edi», – dedi Seleznöv.

Şimdilik o, silâ Rusiyeden kelgenini nazarda tutqan edimi, yoqmı, belli degil.

Evel «İnformatsiynıy sprotıv» gruppası qayd etken edi ki, «terroristler ATA quvetleriniñ İL-76 uçağına ateş açqan yerde PZRK 9K38 «İgla»dan üç 9P39 borusı tapıldı». Bundan da ğayrı, dey gruppanıñ spikeri Dmıtro Tımçuk, aynı şu yerde Rusiye imalatında olğan konserv bankası tapılğan.

«İgla» zenit raket kompleksleri Rusiyede yapıla. Olar, malümatlarğa köre, Ukrainada da bar.
XS
SM
MD
LG