Antalya vilâyetiniñ Manavgat rayonında büyük orman yanğını meskün rayonlarına keçti, dep bildire «Nastoyaşçeye Vremâ» telekanalı (RFE/RL şirketi tarafından «Amerikanıñ Sesi» iştirakinen quruldı).
CNN Turk yazğanına köre, yanğın neticesinde 53 insan yaralandı, dep bildirdi Türkiye köy ve orman hocalığı naziri Bekir Pakdemirli. Evler, müessise binaları, issihane ve köy hocalıq topraqları zarar kördi, onlarnen gektar yandı.
Yanğınnı söndürmek içün uçaq, 19 vertolöt, 103 yanğın maşinası ve 400-den çoq mütehassısnı yolladılar. Yanğınnı söndürmege tırışqan küçler alev Antalya – Alanya şossesinde olğan yaqıt qoyuv stantsiyalarına keçmesin dep çalışa. Köy ve orman hocalığı naziri Bekir Pakdemirliniñ aytqanına köre, yel ve alçaq dımlılıq yanğın tarqalmasına sebep ola.
Daa evel berilgen malümatqa köre, Qırımda yüksek yanğın telükesi sebebinden vatandaşlarnıñ orman ziyaretleri yasağı uzatıldı.
