Anqara yaqında Rusiyede mabüs olğan Ukraina vatandaslarınıñ, hususan qırımtatarlarnıñ yañartılğan cedellerini aldı, bildire Ukrainada Türkiye elçisi Yağmur Ahmet Güldere, haber ete Azatlıq Radiosı.
"Delegatsiyalarımız, prezidentlerimiznen beraber, yuqarı seviyede ukrain delegatsiyalarınen muzakereler keçirgende, bu mevzular daima kün tertibimizdedir. Yañartılğan cedvellerni alamız, vaziyetteki soñki deñişmeler aqqında laf etemiz. Ve bu meseleni çezmek içün bütün elimizden kelgenini yapmağa tırışamız. Yaqında yañartılğan cedvellerni aldıq, olar şimdi Anqarada. Ve biz bizim qırımtatar ve ukrain dostlarımığa bu işte yardım etmekni devam etecekmiz", - dedi Güldere "İnterfaks-Ukraina" agentligine bergen intervyüsında.
Bundan ğayrı, elçi, Türkiye Qırımnıñ ilhaqını tanımağanını ve tanımaycağını qayd etti.
"Bu resmiy munasebet Türkiye prezidenti ve Mudafaa naziriniñ Kyivge ziyareti ve Ukraina tış işler naziriniñ Antalyağa ziyareti vaqtında daa bir kere qayd etildi", - dedi o.
İyün 25-inde Ukraina prezidentiniñ Ofisi, ilhaq etilgen Qırımda 94 ukrain siyasiy mabüs, olardan 70-ge yaqın qırımtatar, esir olğanını haber etti.
