Link açıqlığı

Saatnıñ esas haberi

Qırımda Rusiye mahkemesi tarafından mahküm etilgen «ukrayınalı diversantlar davasınıñ» mabüsi Andrey Zahtey azatlıqqa çıqtı


Andrey Zahtey
Andrey Zahtey

Rusiye mahkemesi tarafından «ukrayınalı diversantlar davası» boyunca mahküm etilgen Andrey Zahtey Qırımda Aqmescitniñ sert rejimli koloniyasından çıqtı. Bu aqta Ukrayına «Gratı» media leyhası haber ete.

Berilgen malümatqa köre, Zahtey altı buçuq yıl apiste yattı, lâkin Rusiye akimiyeti oña Ukrayınağa ketmege izin bermeyip, Rostov vilâyetindeki çetel vatandaşlarını vaqtınca tutuv merkezine yerleştirdi.

Hatırlatamız, Andrey Zahtey 2016 senesi avgust ayında Rusiye FSBsi tarafından tutuldı. Rusiye mahsus hızmeti işğal etilgen Qırımda yarımadada terakt azırlağan «ukrayınalı diversantlar» gruppası tutuldı, dep ilân etken edi. Tutulğanlar başta Moskvanıñ Lefortovo SİZOsında edi, soñra olarnı Qırımğa qaytarğanlar.

Rusiye mahsus hızmetleri bu dava boyunca tutulğan Yevgeniy Panov ve Andrey Zahtey yarımadanıñ turistik ve içtimaiy infrastruktura obyektlerinde terror ücümlerini kerçekleştirmege planlaştırğan edi, dep bildirdi.

Zahtey tahqiqat ile mahkemeden evel añlaşmanı imzaladı. Onı 6 yıl ve 6 ay sert rejimli koloniyada qalmasına üküm etkenler ve 220 biñ ruble (tahminen 105 biñ ğrıvnâ) para cezasını bergenler.

Ukrayına akimiyeti Rusiyeniñ ukrayınalılarğa qarşı qabaatlavını red etip, bu Rusiye mahsus hızmetleriniñ provokatsiyası dep adlandırdı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG