Link açıqlığı

Saatnıñ esas haberi

«Terror ücüminde» qabaatlanğan qırımlı Ananyevniñ davasını Rusiyeniñ Rostov şeerindeki arbiy mahkeme baqacaq – Qırım aq qorçalayıcı gruppası


Soy-soplarınıñ aytqanına köre, Vladimir Ananyevniñ qan basımı yüksek, onıñ stabilleşmesi içün uyğun ilâclar kerek
Soy-soplarınıñ aytqanına köre, Vladimir Ananyevniñ qan basımı yüksek, onıñ stabilleşmesi içün uyğun ilâclar kerek

Qırımlı cemaat erbabı Vladimir Ananyevniñ davası ileride baqılmaq içün Rusiyeniñ Rostov-na-Donu şeeriniñ Cenübiy rayon arbiy mahkemesine berildi. Bu aqta «Qırım aq qorçalayıcı gruppası» Ananyevniñ soy-sopları bergen malümatqa esaslanıp haber etti.

Olarnıñ aytqanına köre, Vladimir Ananyevniñ qan basımı yüksek, onıñ stabilleşmesi içün uyğun ilâclar kerek, közlerine ameliyat yapılğan, birinde glaukoma bar. Ananyevniñ omurğa problemleri ve quyuldıqları bar. Erkek yardımcı tedaviylevde olmaq kerek.

2024 senesi fevral ayında Rusiye FSBsi Qırımda üç adamdan ibaret gruppanı (Vladimir Ananyev, Vladimir Bodnar ve Oksana Şevçenko) tutqanını bildirdi, olar, berilgen malümatqa köre, Ukrayina mahsus hızmetleriniñ emrinen, 2023 senesi fevral ayında «Qırım reberleriniñ» maşinalar körtejini patlatmağa azırlana ediler.

Ananyev Rusiye Federatsiyası Ceza kodeksiniñ 222.1 maddesiniñ 1-nci qısmına istinaden (Patlayıcı maddelerni qanunsız almaq, bermek, satmaq, saqlamaq, taşımaq ya da yetkizmek) qabaatlana. 2024 senesi noyabr ayında daa bir madde qoşuldı – Rusiye Federatsiyası Ceza kodeksiniñ 205.1 maddesi (terror areketini yapmağa azırlanuvda yardım ve ıntıluv).

Qırım aq qorçalayıcı gruppası qayd etkenine köre, Ananyev qırımlı cemaatçı ola, uquqiy ve cemaat faaliyetinen oğraştı, topraq islâatında faal iştirak etip, topraq saipleriniñ aqlarını qorçalay edi.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG