Link açıqlığı

Saatnıñ esas haberi

Rusiye mahkemesi «qırımlı musulmanlar davasınıñ» mabüsi Amethan Abdulvapovnı 10,5 yıl apiste qalmasına üküm etti


Amethan Abdulvapov
Amethan Abdulvapov

Rostov-na-Donu Cenübiy okrugınıñ arbiy mahkemesi «qırımlı musulmanlar davasınıñ» mabüsi, qırımlı Amethan Abdulvapovnı 10 yıl ve 6 ay apiste qalmasına üküm etti, dep haber ete «Qırım birdemligi» cemaat birleşmesi.

Üküm Rusiye Ceza kodeksiniñ 205.5 maddesiniñ 2-nci qısmına istinaden çıqarıldı. Faallerniñ bildirgenine köre, ilk üç yılnı Abdulvapov apishanede keçirecek. Prokuror azat etilgen soñ da 1 yıllıq sıñırlar belgilenmesini istedi. Sıñırlar ayda 2 kere Cezalarnı yerine ketirüv federal hızmetinde qayd olmaq, aqşam 11-den saba 6-ğa qadar yaşağan yerini terk etmemek, Cezalarnı yerine ketirüv federal hızmetine haber etmeyip, yaşağan yerini ve işini deñiştirmemek ve cemaat yerlerini ziyaret etmemekten ibaret.

«Terrorizmnen bir alâqası yoq. Qorantama, balalarımıa mahkemeden yiberiñiz», — dep ayttı Amethan Abdulvapov mahkemedeki sözünde.

Amethan Abdulvapov 2022 senesi fevral ayında Rusiye tintüvlerinden soñ tutuldı. O vaqıt Qırımnıñ bir qaç rayonında Rusiye uquq qoruyıcıları dört insannı tutqan edi: Ansar Osmanov, Marlen Mustafayev, Ernest Seytosmanov ve Amethan Abdulvapov.

Tutulğanlar Rusiyede terrorist tanılğan, amma bir çoq memlekette milliy qanunlar seviyesinde sıñırsız çalışqan «Hizb ut-Tahrir» siyasiy firqasında iştirak etkeninde qabaatlandı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG