Rusiye Federatsiyası 12 yılğa üküm etken qırımlı vatandaş jurnalisti Amet Suleymanovnıñ yürek klapanı deñiştirilmeli, aman-aman bir yıl tibbiy yardım almay. Bu aqta Kreml siyasiy mabüsleri soy-soplarınıñ birleşmesi haber ete.
Amet Suleymanov – Bağçasaraydaki üçünci «Hizb ut-Tahrir» davasınıñ mabüsi.
2021 senesi Rusiye mahkemesi Amet Suleymanovnı «Hizb ut-Tahrir davası» boyunca 12 yılğa üküm etti.
2023 senesi aprelniñ 6-nda Amet Suleymanov apiske alınıp, izolâtorğa qapatıldı. Advokat Emil Kurbedinovnıñ malümatına köre, Suleymanovnıñ baş ve yürek ağrıları ola.
«Memorial» aq qorçalayıcı merkezi Amet Suleymanovnı siyasiy mabüs dep tanıdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
