Rusiye mahkemesi qırımlı vatandaş jurnalisti Suleymanovnı azat etmedi
Rusiye mahkemesi qırımlı vatandaş jurnalisti Suleymanovnı azat etmedi
Amet Suleymanov
Rusiyeniñ Vladimir şeerindeki Frunze rayon mahkemesi vatandaş jurnalisti Amet Suleymanovnı apishaneden azat etmege razı olmadı. Onıñ tibbiy vesiqalarında qayd etilgen hastalıqlarnen insan apiste bulunmamalı.
Bu aqta imayecisi Lilâ Gemeci «Qırım birdemligine» haber etti.
Mahkemede imaye tarafı tibbiy teşkerüv ve tibbiy qarar çıqarıluvı aqqında muracaatta bulunğan edi.
«Bu qarardan añlaşıla ki, bir yılda Ametniñ alı fenalaştı, hastalıqlarınıñ seviyeleri deñişti. Eki hastalığı hastalıq cedveliniñ 41-inci ve 42-nci maddesine köre ağır hastalıq sebebinden cezadan azat etüvni belgilegen hastalıqlar sayıla», – dep ayttı Gemeci.
«Gafarov-Şiring cedveli»: Rusiyede apis etilgen qırımlılarğa tibbiy yardım kösterilmey (fotoresimler)
1/16Apis cezasına mahküm etilgen ve uquq qoruyıcılar tarafından siyasiy mabüs kibi tanılğan Arsen Abhairovnı varikoz damarları raatsızlay, bundan ğayrı onıñ tiş ekiminiñ yardımına ihtiyacı bar
ZMINA uquq qoruyıcı teşkilâtı sağlığı telüke altında olğan qırımlı siyasiy mabüslerniñ cedvelini derc etti
3/16Uquq qoruyıcılar tarafından siyasiy mabüs kibi tanılğan qırımtatar Milliy Meclisi reisiniñ birinci muavini Nariman Celâlnı ayaqlarınıñ şişmesi ve varikoz damarları raatsızlay
ZMINA uquq qoruyıcı teşkilâtı sağlığı telüke altında olğan qırımlı siyasiy mabüslerniñ cedvelini derc etti
4/16"Ukrayin diversantları davasınıñ" figurantlarından biri Volodımır Dudkağa (sağ taraftan) bir çoq hastalığı olğanına baqmadan tibbiy yardım kösterilmey
ZMINA uquq qoruyıcı teşkilâtı sağlığı telüke altında olğan qırımlı siyasiy mabüslerniñ cedvelini derc etti
5/16"Qırım musulmanları davası" boyunca Rusiye mahkemesi tarafından 17 yıl apis cezasına mahküm etilgen, uquq qoruyıcılar tarafından ise siyasiy mabüs kibi tanılğan Timur İbragimovğa kolelitiazis diagnozı qoyulğan
ZMINA uquq qoruyıcı teşkilâtı sağlığı telüke altında olğan qırımlı siyasiy mabüslerniñ cedvelini derc etti
6/16Qırımtatar uquq qoruyıcısı, uquq qoruyıcılar tarafından siyasiy mabüs kibi tanılğan Emir-Üsein Kukuğa bağırsaq ameliyatı yapılğan soñ tibbiy yardım kösterilmegen
ZMINA uquq qoruyıcı teşkilâtı sağlığı telüke altında olğan qırımlı siyasiy mabüslerniñ cedvelini derc etti
7/16"Qırım musulmanları davası" boyunca Rusiye mahkemesi tarafından apis cezasına mahküm etilgen, uquq qoruyıcılar tarafından ise siyasiy mabüs kibi tanılğan Zekirya Muratov yüksek qan basımı ve yürek yetersizligi ile qıynala
ZMINA uquq qoruyıcı teşkilâtı sağlığı telüke altında olğan qırımlı siyasiy mabüslerniñ cedvelini derc etti
10/16Rusiye mahkesesi tarafından 11 yıl apis cezasına mahküm etilgen, uquq qoruyıcılar tarafından siyasiy mabüs kibi tanılğan qırımlı İvan Yatskinge tromboflebit olmasına baqmadan tibbiy yardım kösterilmey
ZMINA uquq qoruyıcı teşkilâtı sağlığı telüke altında olğan qırımlı siyasiy mabüslerniñ cedvelini derc etti
14/16"Qırım musulmanları davası"nıñ figurantı Yaşar Şihametov (sağ taraftan) içün prokuror 11 yıl apis cezasını istedi. O da uquq qoruyıcılar tarafından siyasiy mabüs kibi tanılğan
ZMINA uquq qoruyıcı teşkilâtı sağlığı telüke altında olğan qırımlı siyasiy mabüslerniñ cedvelini derc etti
15/16Qırımlı jurnalist ve uquq qoruyıcı İrına Danılovıç cezasını çekecek yerge etap etilgen soñ ilâcsız qalda. Etap yerine kelip çıqqan soñ bütün ilâcları tutıp alınğan. O bir yıldan ziyade qulaq ağrısı ile çekişe
ZMINA uquq qoruyıcı teşkilâtı sağlığı telüke altında olğan qırımlı siyasiy mabüslerniñ cedvelini derc etti
16/16"Qırım musulmanları davası" boyunca Rusiye mahkemesi tarafından apis cezasına mahküm etilgen, uquq qoruyıcılar tarafından ise siyasiy mabüs kibi tanılğan Teymur Abdullayev 750 künden ziyade ceza izolâtorında tutula
ZMINA uquq qoruyıcı teşkilâtı sağlığı telüke altında olğan qırımlı siyasiy mabüslerniñ cedvelini derc etti
Previous slide
Next slide
İmaye tarafı bu tibbiy qararnı imzalağan şahıslarnı çağırıp sorğuğa çekmege rica etti. Lâkin bu muracaat qabul etilmedi.
Tibbiy-sanitar bölükniñ vekili Suleymanovnıñ hastalıq seviyesi «pek ağır degil» dep, Ametke yürek ameliyatı ne vaqıt yapılacağını aytıp olamadı. Aynı vaqıtta, Suleymanov muhtac olğan ameliyatlar Vladimirde yapılmay, dep tasdıqladı.
Mahkeme imaye tarafınıñ Suleymanovğa yapılğan bütün talillerniñ berilüvi ve saqatlıq derecesiniñ belgilenüvi aqqında muracaatını baqmadı.
«Mustaqil tibbiy ekspertlerni celp etip, olğan tibbiy vesiqalar esasında hulâsa almağa planlaştıramız ve istinam mahkemesi bizni eşitir, dep ümüt etemiz», – dedi Lilâ Gemeci.
İmayeciniñ aytqanına köre, şimdi Suleymanov kerekli tedaviylev almay. Tek qan basımını tüşürgen ilâc ala.
«Yüregi içün bir tedaviylev berilmedi, diger hastalıqları daa beter ola ve tedaviylenmey», – dedi Gemeci.
2023 senesi aprelniñ 6-nda Amet Suleymanov apiske alınıp, izolâtorğa qapatıldı. Advokat Emil Kurbedinovnıñ malümatına köre, Suleymanovnıñ baş ve yürek ağrıları toqtamay.
«Memorial» aq qorçalayıcı merkezi Amet Suleymanovnı siyasiy mabüs dep tanıdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
