Link açıqlığı

Qırım işğali ve Ukrainanıñ şarqiy regionlarındaki vaziyet devlet liderleri tarafından ep muzakere etile.

Radio Svoboda haber etkeni kibi, bunı amerikanlı kongressmen Eliot Engel Kiyevde ötkerilgen brifing devamında bildirdi.

«Zanımca, o (Pütin – muar.) Ukrainadan qırslağan bütün territoriyalarnı qaytarıp bermek kerek. Onıñ içün, bu mesele ileride de devlet liderleri tarafından köterilecek», – dep qayd etti Engel.

AQŞ-dan kelgen kongresmen eyyetiniñ vekilleri, mayıs ayında Ukrainada ötkerilecek prezident saylavları «Putinge cevap» olmalı.

«Bütün dünya bu saylavlarnı közetecek. Biz, saylavlar adaletli keçkeninde emin olmağa isteymiz. Ve bu Putinge cevap olacaq, o serbest ve mustaqil Ukrainanı bölip olamaycağını añlamaq kerek, ukrain halqı iç bir vaqıt oña bunı yaptıramaz», – dedi kongressmen.
XS
SM
MD
LG