ABD-niñ Arbiy Deñiz Quvetleriniñ (ADQ) Boeing P-8A Poseidon devriye deñizastıquvar uçağı, Qara deñiz üzerinde ava hafiyeligini yaptı, dep bildire PlaneRadar monitoring merkezi Twitterde.
PlaneRadarnıñ malümatına köre, uçaq salı künü, iyün 4-ünde, saat 16:45-te Sigonella uçaq bazasından çıqıp, Qara Deñiz tarafına yöneldi. Eki saattan soñ o Krasnodar ülkesi ve ilhaq etilgen Qırım yalısı boyu hafiyelik uçuşını yapıp başladı. 20.50-de uçaq Aqyardan 33 kilometr mesafede körülgen edi. 21:45 o uçaq bazasına qayttı.
Bundan ğayrı, salı künü, iyün 4-ünde, Sigonella uçaq bazasından ABD ADQ-niñ RQ-4A Global Hawk uçucısız uçağı çıqtı ve Qara Deñiz yalısına taraf yol tuttı. Yunanistan ve Ukraina ava saasını keçip o, Donbassta sıñır çizgisini keşif etti.
