Link açıqlığı

Amerika senatorları ükümetni Rusiyege qarşı daa sert iqtisadiy cezalarnı kirsetmege çağıralar.

Bunı Azatlıq Radiosı bildire.

Senatnıñ tış işler komitetiniñ azaları Bob Korker ve Kris Merfiniñ aytqanına köre, AQŞ prezidenti Barak Obamanıñ bunıñ kibi areketleri Kremlniñ Ukrainadaki vaziyetni kerginleştirüv adımlarına lâyıq bir cevap olur edi.

Bob Korker şunı qayd etti ki, AQŞ cezaları Rusiyeniñ energetik saasına, şu cümleden – «Gazprom» şirketine, em de Rusiyeniñ bank saasına tesir etecek. Korkerniñ fikirince, Ğarp Ukrainanı Rusiye ile bir özüni qaldırıp, «insafsızlıq» köstere.

Kris Merfiniñ bildirgenine köre, AQŞ Ukrainağa yardım etmese, Rusiyeniñ nevbetteki qurbanı NATOnıñ aza-memleketlerinden biri olması mümkün.
XS
SM
MD
LG