Bazar künü, mayıs 18-de, AQŞ paytahtı Washington yanındaki Virginia ştatınıñ George Mason universitetinde qırımtatarlar sürgünliginiñ 70 yıllığına bağışlanğan Amerika cemaatçılığınıñ toplaşuvı olıp keçti.
Muşavere iştirakçileri ögünde AQŞ-da Ukraina elçisi Aleksandr Motsik çıqışta bulunıp, qırımtatar halqınıñ sürgünligini Stalin rejiminiñ Qırımnıñ tamır halqına qarşı genotsidi dep adladı. O, hatırlattı ki, 1944 senesi esasen qadın, bala ve qartlar sürgün etildi. Sürgünlikke oğrağanlarnıñ aman-aman yarısı ya yolda, ya Özbekistan, Uralda elâk oldı, dep bildirdi Ukraina elçisi.
Toplaşuv iştirakçileri Rusiyeniñ Qırım işğalinden soñ qırımtatarlarğa qarşı repressiyalar ve sıqıştırmalar olması mümkün, dep bildirdiler. Çıqışta bulunğanlardan biri qırımtatarlarnıñ çoqusı mart 16-da keçirilgen «referendumnı» boykot etti ve qırımtatarlar özüni «Ukraina vatanperverleri» olaraq köstergenlerini qayd etti.
Aqşam Turkiye televideniyesi tarafından çıqarılğan «Qırım oğlu» vesiqalı filmi numayış etildi. Levha qırımtatarlarnıñ lideri ve meşur uquq qorçalayıcı Mustafa Cemilevge bağışlanıla. Filmde qırımtatarlar, yunan, ermeniler sürgünligi tasvir etile ve sürgünlikke oğrağanlarnıñ hatırlavları aks ettirile.
İştirakçiler repressiyalar qurbanlarınıñ hatırasını sukünet daqqası ile añdılar.
Bazar künü, mayıs 18-de, qırımtatarlar Stalin sürgünliginiñ 70 yıllığını qayd ettiler. Qırım «akimiyeti» yarımada işğal etilgen soñ Aqmescit merkezinde matem tedbirler keçirilmesini yasaq etti. Matem tedbirleri OMON ve FSB nezareti altında keçirildi.
Muşavere iştirakçileri ögünde AQŞ-da Ukraina elçisi Aleksandr Motsik çıqışta bulunıp, qırımtatar halqınıñ sürgünligini Stalin rejiminiñ Qırımnıñ tamır halqına qarşı genotsidi dep adladı. O, hatırlattı ki, 1944 senesi esasen qadın, bala ve qartlar sürgün etildi. Sürgünlikke oğrağanlarnıñ aman-aman yarısı ya yolda, ya Özbekistan, Uralda elâk oldı, dep bildirdi Ukraina elçisi.
Toplaşuv iştirakçileri Rusiyeniñ Qırım işğalinden soñ qırımtatarlarğa qarşı repressiyalar ve sıqıştırmalar olması mümkün, dep bildirdiler. Çıqışta bulunğanlardan biri qırımtatarlarnıñ çoqusı mart 16-da keçirilgen «referendumnı» boykot etti ve qırımtatarlar özüni «Ukraina vatanperverleri» olaraq köstergenlerini qayd etti.
Aqşam Turkiye televideniyesi tarafından çıqarılğan «Qırım oğlu» vesiqalı filmi numayış etildi. Levha qırımtatarlarnıñ lideri ve meşur uquq qorçalayıcı Mustafa Cemilevge bağışlanıla. Filmde qırımtatarlar, yunan, ermeniler sürgünligi tasvir etile ve sürgünlikke oğrağanlarnıñ hatırlavları aks ettirile.
İştirakçiler repressiyalar qurbanlarınıñ hatırasını sukünet daqqası ile añdılar.
Bazar künü, mayıs 18-de, qırımtatarlar Stalin sürgünliginiñ 70 yıllığını qayd ettiler. Qırım «akimiyeti» yarımada işğal etilgen soñ Aqmescit merkezinde matem tedbirler keçirilmesini yasaq etti. Matem tedbirleri OMON ve FSB nezareti altında keçirildi.
