Apiske alınğan «Aluşta» musulman cemiyetiniñ imamı Yusuf Aşirov memuriy davalar boyunca cezasını çekkenler bulunğan Aqmescitteki mahsus bölüke tutula, dep haber etti imayecisi Rustem Kâmilev.
«Qırım birdemligi» bildirgenine köre, bu cemiyetniñ apiske alınğan daa eki azası – Vilen Useinov ve Zinur Appazov – Aluştadaki vaqtınca tutuv izolâtorına ketirildi. Appazov anda beş kün, Useinov ise on kün qalacaq.
«Bes-belli, bu planlaştırılğan aktsiyanıñ arqasında tek Qırım polisi ya da «E» merkezi yoq. Yıllar devamında cemiyetke sistematik şekilde basqı yapıla, «Yuqarı Cami» Qırım musulmanları diniy idaresi ve mahsus hızmetlerniñ kontroli altına keçsin isteyler – lâkin yerli sakinler qarşı çıqa. Yarımadada apis cezaları ve basqı vastasınen din monopoliyası yapıla», – dep izaatladı apis cezasını aq qorçalayıcı Lutfiye Zudiyeva.
Noyabrniñ 23-nde saba Qırımda Rusiye uquq qoruyıcıları «Aluşta» musulman din cemiyetiniñ üç azasınıñ evini tintip tuttı. Yusuf Aşirov, cemiyetniñ eki azası Vilen Useinov ve Zinur Appazov aqqında aytıla. Üçü de Yuqarı Şumada (Verhnâya Kutuzovka) yaşay.
«Qırım birdemligi» qayd etkenine köre, din cemiyeti ilk sefer basqığa oğramay. 2020 senesi iyün ayında imam Aşirovğa «qanunsız missioner faaliyeti» içün 5 biñ ruble para cezası berilgen edi.
Avgust ayında Ukrayına prezidentiniñ Qırım temsilciligi yarımadada qanunsız tutulğan 180 kişi aqqında bildirgen edi. 117-si qırımtatarı ola.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
