Aluştada teşkerüv devamında yedi qanunğa uymağan plâj belgilendi, dep bildireler Qırım kurort Nazirliginiñ matbuat hızmetinde.
Müessisege köre, teşkerüv reydini Rusiye FVN-niñ Qırım idaresiniñ hadimleri ve Aluşta memuriyetiniñ vekilleri keçirdi.
"Partenit, Küçük Lambat ve Aluştada yerleşken plâjlarnıñ teşkerüvini yaptıq. Reyd devamında, yedi plâjnıñ kerekli vesiqaları tamamlanmağanı belli oldı, bu ise - memuriy uquq bozuvıdır", - denile beyanatta.
Müessise bildirgenine köre, bu uquq bozuvlarğa köre, cevapkârlarğa 10-100 biñ rublege qadar pra cezası üküm etile bile.
Mayıs soñunda Rusiye FVN-niñ Qırım idaresi 460 Qırım plâjından tek 301-ine qullanuv izinini berdi. Böylece, 159 plâj, yani 35% mevsimge azır degil edi.
