Qırımda rusiyeli akimiyet Aluştanıñ №1 litsey mektebinde temelli tamirni yapmaq içün podrâdçılar içün tenderni ilân etti. Bu malümat Rusiyeniñ devlet satyuvları portalında derc etilgen.
Bildirile ki, muqaveleni alğan icracı mektep binasınıñ temelli tamirini yapmaq kerek. Muqaveleniñ azamiy fiyatı 14,9 million rubleni teşkil etti. İşlerni mayısnıñ 25-inde başlap avgustnıñ 25-inde bitirecek olalar. Bildirile ki, bu işlerge Qırım budjetinden para ayırılacaq.
Sovet Birliginiñ Qaramanı Nikolay Sarançev adına №1 litsey mektebi - Aluştanıñ eñ eski müessiselerinden birisidir. O 1965 yılından berli çalışa.
