Aluştada ve Qırımnıñ bütün cenübiy yalısında furtuna quturmaqta. Dalğalanmasına 3 ball qıymet keseler. Yalı yanında deñiz suvu şuvultılı ve bulançıq. Kurort şeeriniñ bütün plâjları üzerinde qırmızı bayraq tiklengen, o, yuvunmaq ve plâjlarda bulunmaq bile yasaq olğanını bildire, dep aytıp bere Qırım.Aqiqat mühbiri.
Plâj ve iskelelerge keçitlerni qapatıp qoydılar. Kurortçılar ve yerli sakinler, furtunanı yalı kenarından közete ve quturğan dalğalar manzarasında selfie yapalar, yerli kafelerde keyf çatalar ve yalıda havfsız attraktsionlarda egleneler.
Raatlanıcılar, sentâbr 11-inece furtuna ihtarı içün deñizde yuvunmağa yasaq, dep ilân etilgenini Qırım.Aqiqat mühbirine haber etti.
Furtunalar, Qırımnıñ şimaliy yalısını bazar künü, sentâbr 8-inde qapladı. O vaqıt dalğalar 5 ballğa bara edi. Keçken raatlıq künlerde qurtarıcılar Qırımda furtuna sebebinden bir kün içinde altı insan elâk oldı, dep bildirdi. Sentâbr 9-ında Qırımdaki Rusiye Fevqulâde vaziyetler nazirliginiñ idaresi, deñizde daa eki insan elâk olğanını bildirdi. Qurtarıcılarnıñ malümatına köre, furtunanıñ birinci kününde deñizden eki cesedni çıqarıp oldılar, sentâbrniñ 10-unda Qırım FVN-ne atıf etken yerli matbuat, Sudaqta daa bir cesedni suvdan çıqardılar, dep haber etti.
