Aluştada, Raboçiy ugolok şeer plâjında deñizde aqay az qaldı - batacaq edi, Rusiye FVN-niñ hadimleri ise onı qurtardı. Bu aqta Rusiye FVN-niñ Qırım matbuat hızmeti bildirmekte.
"Rusiye FVN-niñ Qırım boyunca baş idaresiniñ mahsus dalıcı qurtarıcı taqımı, aqaynı qurtardı. O, yalıdan 300 metrlik mesafede edi. Adam, yaldağanda taqatını coydı ve öz küçünen yalığa qaytıp olamadı", - denile beyanatta.
Qurtarıcılarğa köre, adamnı qurtarıcı gemige köterip, yalığa alıp kettiler.
FVN-de, suvda telükesizlik qaidelerine uymaqnıñ müimligini hatırlattılar.
"Eñ sade telükesizlik qaidelerine uymamazlıq, güzel eglenceni fevqulâde vaziyetke çevire", - dep qayd etti qurtarıcılar.
İyün soñunda Aluştada "banan" suv attraktsionında eglengen 14 adamnı aqıntı deñizge alıp ketti. Olarnıñ arasında 8 bala bar edi.
