İyül 3-üne keçken gece "Aluşta-Sudaq" yolunıñ 7-nci kilometrinde VAZ 2107 aydavcısı, maşna idaresini becermedi, bundan neticesinde maşna avdarıldı, bir adam elâk oldı, dep bildire Rusiye FVN-niñ Qırım idaresi.
"Yol qazası neticesinde 1 adam elâk oldı, 3 adam yaralandı, olarnı hastahanege alıp kettiler. Qaza yerinde qurtarıcılar, yanğın telükesizligi talap etken bütün tedbirlerni becerdi ve başqa naqliyatnıñ maniasız yürmesini temin etti", - denile beyanatta.
İyün 30-ında Qırım trassasında maşna BMW aydavcısı maşna idaresini baş etip olamayıp, terekke urulğan, bunıñ neticesinde maşna avdarılğan ve yanıp başlağan.
İyülniñ 1-inde Aqmescitniñ (Simferopol) azbarlarından birinde yengil maşna altı yaşındaki balanı urdı, dep bildirdi Rusiye İİN-niñ Qırım idaresiniñ matbuat hızmeti.
Qırımlı qurtarıcılarnıñ bildirgenine köre, Qırımda ciddiy yol qazalarınıñ sayısı arttı. Qırımda 2019 senesiniñ birinci üç ayında keçken yılğa baqqanda bir buçuq qat ziyade aydavcı mesüliyetke çekildi.
