Rusiye nezartinde olğan Kurortlar ve turizm naziri Vadim Volçenko, yazğace Aluşta plâjlarını yekâne üslüpte bezeteceklerini bildirdi. Bu mesele Aluşta şeerinde tatil mevsiminiñ azırlaması ve keçirilmesi ile bağlı keñiş müşaverede muzakere etildi.
"Plâjlar şeerniñ qabul etilgen yekâne standartına uyğun olaraq donatılacaq, renkleri açıq bej tüsünde olacaq. Bundan ğayrı, er plâjnıñ kirişinde turistler içün lâzim olğan bütün malümat ile yekâne malümat stendi temin etilmeli. Aluşta bölgesinde 80-den çoq abadanlaştırılğan plâjlarnıñ çalışması planlaştırıla", - denile beyanatta.
Bundan ğayrı, müessise malümatına köre, Primorskiy parkınıñ tamirlevi ve qoşma park yerleriniñ qurulması planlaştırıla.
Aluştanıñ rusiyeli memuriyetiniñ başı Galina Ognevağa köre, şeerde yuvunma mevsiminiñ başınace kanalizatsiya ve sıcaq suv ile 25 yañı konteyner şekilli kenef tiklenilecek.
