Rusiye uquq qoruyıcıları Aluşta civarındaki Körbek (İzobilnoye) köyü rayonında erkek qafası tapıldı, şahsiyeti ögrenilmekte, dep bildire. Bu aqta aprelniñ 25-nde Qırımdaki Rusiye İç işler nazirligi İdaresiniñ matbuat hızmeti haber etti.
«Aluşta şeeriniñ politsiya bölügi qafası Körbek köyüniñ ormanında tapılğan erkekniñ şahsiyetini ögrenmekte. Şimdige qadar adamnıñ şahsiyeti belli degil», – dep qayd etti matbuat hızmeti.
Politsiyanıñ bildirgenine köre, elâk olğan insannıñ yaşı tahminen 50-60 yaş olmalı.
Mart ayınıñ soñunda Kezlevniñ Moynaq gölünde insan kemiklerinen çuval tapılğan edi.
