"Hizb ut-Tahrir davası boyunca altıncı Bağçasaray gruppasınıñ" iştirakçileri Aziz Azizov, Rustem Osmanov, Memet Lümanov ve Mustafa Abduramanovnı Rostov-na-Donu 1-nci SİZO-sına alıp kettiler, dep bildire "Qırım birdemligi" Memet Lümanovnıñ ömür arqadaşı Anna Korniyçukqa atıf etip.
Qırımlılarnı noyabrniñ 5-nde etapqa alıp kettiler, bundan evel olar Aqmescitniñ 2-nci SİZO-sında buluna ediler.
"Adetince, cuma künleri aqaylarımızdan Aqmescit SİZO-sından mektüpler alamız. Cuma künlerinden birinde bizge mektüpler kelmedi. O vaqıt endi olar, ğaliba, etapta olğanını añladıq", - dep qoştı Rustem Osmanovanıñ qadını Elmaz.
"Altıncı Bağçasaray gruppası" davası boyunca ilk mahkeme oturışı noyabrniñ 25-nde Rusiye Federatsiyasınıñ Cenübiy okrugınıñ arbiy mahkemesinde keçirilecek.
Mayıs ayında Aqmescitteki Rusiye mahkemesi "Hizb ut-Tahrir davası" boyunca "Altıncı Bağçasaray gruppası" qırımtatar faalleriniñ apis müddetini avgustnıñ 2-ne qadar uzatqan edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
