Altın fiyatı 2013 yıldan berli eñ yüksek seviyege yetti, bunı Bloomberg agentligine atıf etip, Azatlıq Radiosı bildire.
Amerika askerleri yanvarniñ 3-ünde gece İraq paytahtı Bağdadda İran generalı Kasem Süleymanini öldürgeninden soñ, İran, uran zenginleştirilmesiniñ limitlerine uymacaqlarını dedi, bundan soñ altınnıñ fiyatı bir untsiya içün 1600 dollarğa yaqınlaştı.
Tegeran intiqam alacağını vade etti, amma Amerika prezidenti Donald Trump, mütenasip olmağan derecede İranğa urmağa azır olğanını bildirdi.
Bundan soñ Brent markalı cermaynıñ fiyatı 2019 yılnıñ aprel ayından berli ilk sefer barrel içün 70 dollarnı aştı.
