Link açıqlığı

Saatnıñ esas haberi

Altı qırımtatar faalini Rusiyeniñ Rostov SİZO-sına etap ettiler — uquq qoruyıcılar


Qırımtatar faalleri Abdulmecit Seytumerov, Amethan Ümerov, Eldar Yakubov, Seydamet Mustafayev, Remzi Nemetullayev ve Ruslan Asanov Qırımdaki 2-nci SİZO-dan Rostov-na-Donudaki 1-nci SİZO-ğa avuştırıldı. Bu aqta "Qırım birdemligine" Eldarnıñ ömür arqadaşı Ayşe Yakubova bildirdi.

"İyül ayında Qırım tahqiqat izolâtorına aileme yardım etken faaller vastasınen aqayıma eşya berip yiberdim. Eldar ve bu cinaiy davanıñ diger mabüsleri izolâtorda yoq eken, olarnı çıqarğanlarını bildirdiler", — dep izaatladı mabüsniñ apayı.

Apiske alınğan faallerni qorçalağan advokatlarnıñ malümatına köre, avgust 12-de Rostov-na-Donu şeeriniñ Cenübiy okrugınıñ arbiy mahkemesinde mahkeme oturışuvları başlanacaq.

"Qırım platforması" sammitiniñ ertesi künü, 2023 senesi avgust 24-te, Rusiye quvetçileri altı qırımtatarnı tuttı. O künü saba Bağçasarayda ve Bağçasaray rayonında Remzi Nimetulayev, Ruslan Asanov, Seydamet Mustafayev, Amethan Ümerov, Eldar Yakubov ve Abdulmecit Seytumerovnıñ evlerinde tintüvler keçirildi.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG